قصة قصيرة

-

 -مساء الخير

أهلًا بالفاشل اللي مضيع فلوسي في دراسته 

-أنا مش فاشل يا بابا

أستاذ الأحياء كلمني النهاردة وقالي جبت في امتحان مادته ٥ من ٢٠ ودي مش أول مرة تجيب درجة زفت في مادته 

-أنا طالع عيني في الدروس والمذاكرة وطول اليوم كنت برة في الدروس ممكن أناملي بقا شوية عشان أصحى أشوف اللي ورايا

ولما انتا طالع عينك زي ما بتقول كدة درجاتك مش كويسة ليه في الدروس ولسة ده أول شهر ليك في تالتة ثانوي اومال آخر السنة هتعمل ايه؟!! 

- أنا لسة هظبط مواعيدي وهظبط وقتي وهذاكر وهجيب مجموع كويس، أصلًا حضرتك ما صدقت إن حد قالك كدة عليا عشان تسمعني كلامك السم ما انتا مبتعملش حاجة كويسة معايا شغلتك تحبطني

احترم نفسك ومتعليش صوتك على باباك يا محترم

-حاضر يا ماما ممكن أطلع بقا عشان أنام؟

أنا بعمل كدة عشان مصلحتك وبعدين أنا مش مخليك محتاج حاجة عشان تقولي مبعملش حاجة كويسة معاك 

بتاكل أحسن أكل وعيشتك أحسن عيشة في ڤيلا جميلة ولبسك كله ماركات وعربية بتوديك دروسك وتقولي مبعملش معاك حاجة كويسة؟! انتا قليل الأصل 

-معاك حق

طلعت أوضتي بعد ما حسيت إن مفيش مكان في الدنيا يساعني وإحباط الدنيا كله فيا، مفيش حاجة حلوة في حياتي تكون السبب في إني أكمل اتصلت بأدهم جاري ووالده صاحب بابا 

-ازيك يا أدهم 

الحمدلله انتا كويس يا زين فيك حاجة ؟!

-أنا تمام تمام الحمدلله

أصل احنا كنا سوا في الدرس قلقت عليك

-نفسيتي هي اللي زفت بس مش أكتر

وأنا كمان والله نفسي هفاني على الانتحار 

-اتلم المتعوس على خايب الرجا

أيوة بالظبط كدة، في ايه مالك يا زين؟

-كل أما أجيب درجة وحشة في مادة بابا يقوللي يا فاشل كل ما أقعد معاه هو وماما بحس بالغربة بقا عندي ١٧سنة وكانت أول وآخر مرة أمي حضنتني لما كنت بتكرم عشان طلعت الأول على الابتدائية، حياة بابا كلها شغل وحفلات في الشغل وسفر ووالدتي بتخرج مع صحابها في النادي وعايشة حياتها وأنا هنا لوحدي ولا في أخوات ولا في حنية من أهلي

طب ما انتا عارف يا زين إن حياتي زي حياتك بالظبط بس عايش حياتي وبخرج ومفيش مشكلة يعني متحطش في دماغك واخرج وكون صحاب كدة وعيش

-بابا مش بيرضى يديني فرصة أصاحب يقوللي صاحبك دراعك والناس وحشة ومتوثقش فيهم بقا والكلام ده لحد ما جالي رهاب اجتماعي

بص أنا هاجي أقعد معاك وأفرفشك شوية

-خلصانة مستنيك


صاحبك جه يا زين 

-تمام خليه يتفضل يا دادة

جايبلك هدية معايا هتفوقك من النكد اللي انتا فيه ومش هتبقى حساس زيادة عن اللزوم كدة 

-يا نهار مش فايت جايبلي مخدرات؟!!

خد بس اللفة دي هتنسيك الهموم كلها وأنا هلف دي ليا 

-لأ طبعًا دي مش طريقة لحل المشكلة أبدًا

قول إنك خايف من عمي حمزة 

-لأ مش فارق معايا هاتها 

متأكد؟

اه


مرت الشهور سريعًا وطوال تلك الشهور التي مضت كان يذهب زين إلى أدهم أو يأتي أدهم إلى زين يتعاطوا المخدرات سويًا حتى تبقى شهرين فقط على امتحانات الثانوية العامة


رايح فين يا زين؟

-رايح عند أدهم 

لأ مش هتروح في حتة وذاكر بقا وشوف مستقبلك 

-حاضر 

حاضر وخارج تعالى بقولك مفيش مرواح في حتة حتى لو هتروح عند أدهم مش هتروح وهتطلع تذاكر 

-ما أنا هروح أذاكر معاه

لأ هتطلع وهتذاكر لوحدك النهاردة 

-مش هقدر هروح أذاكر معاه وهو هيذاكرلي عشان دماغي مصدعة


أنا قولت لأ يعني لأ اتفضل روح ذاكر وفوق لنفسك بقا شوية، المدرسين بيشتكوا منك ومبتاكلش كويس وتحت عينك أسود زي المدمنين وخسيت فوق لنفسك بقااا

-ههه على أساس يقرف معاك خسيت ولا بقيت مدمن يعني

ايه اللي انتا بتقوله ده أكيد يفرق معايا انتا ابني لازم يفرق معايا

-ابنك؟! دلوقتي جاي تقول ابنك بعد ما كرهتني في الدنيا واللي فيها بعد ما بقيت مدمن بسببك انتا وبسبب كلامك وإحباطك ليا جاي تقولي يفرق معاك؟ لما انتا مهتم أوي كدة بتعاملني وحش ليه وبتقولي كلام يخليني أكره الدنيا واللي فيها ليه؟ليييه رد عليا ليييه تعمل فيا كدة

أنا لما بعامك معاملة قاسية عشان تطلع راجل مش أفضل أدلع فيك عشان العيل الوحيد ومتنفعش

-وأديني منفعتش وبقيت مدمن للمخدرات وفاضل شهرين على الامتحانات ومش عارف حاجة في المنهج كدة انتا صح بسبب اللي أنا فيه دلوقتي ؟!!!!

أنا بعمل ده كله لمصلحتك أنا مكنتش أعرف إني هتسببلك في الأذى ده كله حقك عليا يابني

-وسع يا بابا من طريقي الله لا يسيئك خليني أشوف أنا رايح فين 

شوفت بقا الحنية مش هتنفع معاك وهتفضل طول عمرك فاشل وفاشل حتى في اختيارات صحابك فاشل في كل حاجة في حياتك 


    كنت فرحان وفخور أوي بإني بعدت عن الصاحب الغلط بس كان نفسي أكتر شخص قال عليا فاشل يبقى موجود دلوقتي بس يلا الله يرحمه ويسامحه، النهاردة حفلة بمناسبة إني أفضل كاتب في الوطن العربي أصل أنا فشلت في الثانوية العامة بعدها لجأت للكتابة وكتاباتي اتشهرت وبقت تُترجم وبقيت مشهور وناجح بعد ما الناس كلها شهدت إني فاشل لما سقطت في الثانوية العامة والحقيقة إن أي فشل بيبقى بعده النجاح مش كل مرة هتحاول فيها هتبقى ناجح ومش كل مرة هتحاول فيها هتبقى فاشل، هتقع وهتقوم، هتقع وهتقوم لحد ما توصل.

سارة نصر 

تعليقات

إرسال تعليق

المشاركات الشائعة من هذه المدونة

خاطرة

-
 الاهتمام بنجاحك وتطوير حياتك للأفضل أهم من الانشغال بآراء وتفكير الناس عنك، وأهم من أن تضع نفسك في مقارنة مع غيرك، بل الأفضل أن تقارن النسخة السيئة منك بالنسخة الأفضل التي تحاول تحسينها. كما أن التعامل بذكاء اجتماعي مع الناس أفضل من تكوين علاقات كثيرة مؤذية؛ بمعنى مختصر: أن تعرف متى تتحدث ومتى توثق بشخص. والأهم والأفضل من كل ذلك أن تطور علاقتك بالله، وأن تفكر كيف ترضيه لكي يرضى عنك. سارة نصر  
قراءة المزيد

قصة"قيود السحر وأجنحة الأمل"

-
صورة
  قصة قصيرة (مستوحاة من قصة حقيقية)  بعنوان"قيود السحر وأجنحة الأمل" كانت هناك فتاة طموحة، متفوقة في دراستها، تحلم بمستقبل مشرق يليق بذكائها واجتهادها. كانت حياتها تسير على ما يرام حتى بدأ كل شيء ينهار فجأة، وكأن لعنة أصابتها دون سابق إنذار. خلال أربع سنوات، عاشت الفتاة في دوامة من المرض والمعاناة، تتنقل بين الأطباء من تخصص إلى آخر. عينها تؤلمها بلا سبب، قلبها يضطرب في غير موعد، جسدها يخذلها بلا إنذار. عمليات جراحية، تحاليل، أدوية، ولكن لا شفاء. والأسوأ أن الجميع بدأ ينفر منها؛ أصدقاؤها ابتعدوا، علاقتها بأهلها تدهورت، هبط مستواها الدراسي، حتى رسبت في بعض المواد. كانت تطرح على نفسها سؤالًا واحدًا: هل كل ما يحدث هذا غريب أم هو مجرد ابتلاء؟ لم تكن تدري أن الإجابة تختبئ خلف حجاب الغيب، وأن هناك قوة خفية تعبث بحياتها. ومع اقترابها من الله أكثر، بدأت ترى ما لم يكن يُرى من قبل. في إحدى الليالي، بينما كانت في غرفتها تقرأ القرآن، ظهر أمامها ظل أسود ضخم، عيناه كالليل الحالك. كانت ترى هذا الظل من قبل في أحلامها، لكن رؤيته أمامها حقيقةً جعلت الدم يتجمد في عروقها. تحدث إليها بصوت لم يكن ب...
قراءة المزيد

خاطرة

-
 القوة الحقيقية هي مقاومة الإنسان؛ أن يقاوم أفكاره السيئة بذكر الله، أن يقاوم جروح قدميه التي فعلها أحباؤه حتى يصل إلى المنزل، أن يقاوم حطامه الداخلي ويظهر على أتمّ وجه حتى لا يشمت به الأعداء، أن يقاوم الجزع من الابتلاءات بالصبر، وأخيرًا أن يقاوم الأشواك التي في طريقه حتى يصل إلى نهايته، هذه الأشياء كلها ليست سهلة على أي شخص أن يفعلها. سارة نصر 
قراءة المزيد