الكاتبة سارة نصر شوقي

  ليه بيحصل معايا كدة؟ ليه كل ده؟ اشمعنا أنا إللي بيحصل معايا كدة؟ طب إيه نهاية إللي بيحصللي ده؟!  أسئلة بتيجي على معظم الناس أول ما يحصل معاهم حاجة وحشة أو مصيبة وبيبقوا دايمًا زعلانين على إللي هما فيه بس مش بيبقوا عارفين إجابة أسئلتهم لإن لو حد عارف الإجابة مش هيسأل ليه بيحصل معاه كدة والإجابة والحقيقة إن ربنا شايف دايمًا الخير لينا وربنا عالم كويس أوي كلنا بنمر بإيه عشان لو إنتَ مش قد المسؤولية ربنا مش هيختارك في الطريق ده، ربنا عارف إنك قد المسؤولية وإنك تقدر تعدي أي حاجة صعبة عشان كدة ربنا مختارك إنتَ بالذات تكمل حياتك ومحدش غيرك يقدر يكمل الطريق إللي ماشي فيه، لإن كل واحد فينا طريقه مختلف عن التاني، وكل واحد طريقه صعب بس يقدر يعديه عشان ربنا مختاره لإنه قد المسؤولية إللي هو فيها.  سارة نصر